«Arsenal» o'z futbolchisini ijaraga berdi

«Arsenal» akademiyasi tarbiyalanuvchisi Jon-Jyul Chempionship vakili «Blekpul»ga bir mavsumga ijaraga berildi. 20 yoshli futbolchi Londonning shimoliy klubida sakkiz yoshidan beri faoliyat yuritadi. U so'nggi ikki mavsumda Birinchi liga klublari «Donkaster Rovers» hamda «Linkoln Siti» tarkibida to'p surgan.

Jon-Jyul Angliya U18 tarkibida to'purar bo'lgan. Shuningdek, terma jamoaning U23 safida samarali o'yin ko'rsatgan.