«Burgutlar» yozning to'rtinchi xaridini amalga oshirdi

Londonning «Kristal Pelas» klubi «Lion»dan Yoaxim Andersenni sotib olganini ma'lum qildi. Ushbu xarid londonliklar uchun bu yozdagi to'rtinchisi bo'ldi. Jamoaga Patrik Viera kelganidan so'ng, Maykl Olis, Remi Metyus hamda Mark Gueyi transferlarlarini amalga oshirgan edi. Viera jamoani yangidan shakllantirishga alohida e'tibor qaratmoqda.

Andersen Daniya terma jamoasi tarkibida 8 ta o'yinda qatnashgan. Shuningdek, u APL jamoasi «Fulhem» tarkibida 31 marta maydonda harakat qilgan.