«Everton» yangi mavsum uchun uchinchi raqamli libosini namoyish etdi

«Everton» klubi 2021-2022 yilgi mavsum uchun  o'zining uchinchi raqamli libosini namoyish etdi. Ushbu libos «hummel» kompaniyasi tomonidan taqdim etilmoqda. Forma umumiy qora rangda bo'lib, markazdan diagonal sariq qalin chiziq tortilgan. Ushbu ko'rinish 1950 yillardagi «Guddison park» afsonalari Deyv Hikson, Bobbi Kollins va Bryan Labonlar kiygan libosni esga soladi.

Shuningdek, libosning to'liq versiyasida qirollik dengiz kuchlari ramzini esga soluvchi ko'k sho'rtik hamda sariq detalli paypoqlar mavjud. «Everton» bugun Floridada Meksikaning «Pumas» klubiga qarshi bahsda ilk marta ushbu libos bilan maydonga tushishadi.