Tokio-2020. Bobonov chorak finalda imkoniyatni boy berdi, biroq bronza uchun umid bor

Biroz oldin -90 kg vazn toifasidagi bellashuvlarda yurtimiz sharafini himoya qilayotgan 24 yoshli Davlat Bobonov chorak finalda gruziyalik 21 yoshli Lasha Bekauriga qarshi kechgan bahsni yakunladi.

Afsuski, ushbu uchrashuvda yoshlar o'rtasida ikki karra jahon chempioni bo'lgan Bekauri g'alaba qozonib, yarim finalga yo'l oldi.

Endi Bobonov bronza medali yo'lidagi o'tish bellashuvida Ispaniya sharafini himoya qiluvchi kelib chiqishi gruziyalik bo'lgan Nikolas Sherazadishviliga qarshi tatamiga chiqadi.

Ushbu bahs Toshkent vaqti bilan taxminan 13:20 dan so'ng boshlanadi.

Ma'lumot uchun, dzyudochilar shu yilgi JCh finalida o'zaro to'qnash kelishgandi. Unda ispan sportchisi g'alabaga erishgan.