Batshuayi Turk klubiga o'tishga yaqin

Milliyet xabariga ko'ra, Mishi Batshuayi Turkiyaning «Trabzonspor» klubiga o'tishga yaqin turibdi.

Belgiyalik hujumchi o'tgan mavsumni «Kristal Pelas»da ijarada o'tkazdi. U erda Mishi yigirma uchrashuvda ikkita gol urishga muvaffaq bo'lgan. 27 yoshli hujumchining «Chelsi» bilan amaldagi shartnomasi hali yakuniga etmagan.

Turklar futbolchini ijaraga olishni reja qilgan. Belgiyalik hozircha 10 million evroga baholanmoqda. U bir necha yillardan buyon London klubida hech qanday istiqbolga ega emas deya taxmin qilinmoqda.