«Barselona» Grizmann borasida hech qanday taklif olmagan

«Barselona» klubi hujumchisi Grizmann uchun hali hech qanday taklif bo'lmagani aytilmoqda. «Marca» nashri xabariga ko'ra, «Barsa» 30 yoshli hujumchi transferi masalasida APL grandlariga murojaat qilgan, biroq bu borada hech qanday taklif olmagan. Klub yangi mavsum oldidan moliyaviy harajatlarni qisqartirish uchun ayrim futbolchilarga javob bermoqchi.

Grizmann o'z faoliyatini MLSda yakunlashini istashini ma'lum qilgan. Ma'lumot uchun, frantsuz 2019 yilda 102 million funt evaziga Kataloniyaga olib kelingan edi. Uning shartnomasi 2024 yilning yozigacha amal qiladi.