"Atletiko" Saul o'rniga "Manchester Siti"dan nomzod topdi

"Atletiko" yarim himoyachisi Saul Niges shu yozda jamoani tark etishi mumkin.

The Sun nashrining yozishicha, madridliklar allaqachon o'z etakchisining o'rniga nomzodlar izlashni boshlagan.

Manbaning ma'lum qilishicha, "Atletiko" "Manchester Siti" yarim himoyachisi Yanxel Errera variantiga to'xtagan. Agar Saul klubni tark etsa, ispan jamoasi Errerani sotib olishga harakat qiladi.

Madridliklar tezda o'zlarining etakchisiga o'rinbosar qidirmoqda. Bu haqda Ispaniya matbuoti xabar bermoqda.

Eslatib o'tamiz, Saulga "Liverpul" va "Man. Yunayted" jamoalari qiziqish bildirgan.