«Inter» o'ng qanot himoyasini A Seriya futbolchisi bilan to'ldirmoqchi

«Inter» ushbu yozda o'ng qanot himoya zonasini kuchaytirish niyatida. «Neradzurrilar» ushbu pozitsiyaga uch nafar nomzodni saralab olgan. Bu haqda Italiya matbuoti xabar bermoqda.

Unga ko'ra «Inter»ning asosiy maqsadi «Kalyari» himoyachisi Naytan Nandes. Oldinroq milanliklar allaqachon futbolchi bilan kelishib olgani haqida xabar berilgan edi.

Biroq, transfer amalga oshmay qolishi ham mumkin. Bunga italyanlar talab qilayotgan katta summa sabab bo'lgan. 

«Inter» shuningdek, «Chelsi»dan Davide Zappakosta va «Arsenal»dan Ektor Bellerinlarni ham nishonga olgan.