«Milan» etakchisi jamoada abadiy qolmoqchi

Italiyaning «Milan» klubi yarim himoyachisi Frank Kessi «rossoneri»dagi kelajagi haqida gapirdi.

«Men «Milan»da abadiy qolishni istayman. Bu klub bilan faxrlanaman va «Milan»dan ketish niyatim yo'q», - dedi futbolchi «La Gazzetta dello Sport» nashriga

Jurnalist Fabritsio Romanoning so'zlariga ko'ra, Kessi Milan klubi bilan yangi shartnoma bo'yicha kelishuvga yaqin turibdi. Yaqin kunlarda muzokaralar olib borilishi kutilmoqda.

O'tgan mavsumda Kot-d'Ivuariyalik futbolchi A Seriyada 37ta o'yin o'tkazib, 13ta gol urdi va 4ta golli pas berishni uddaladi.