Tokio-2020. Taekvondo. Bayroqdor «golden point»da yutqazdi, Rafalovich chorak finalga chiqdi

Tokio-2020 olimpiadasida taekvondochilar bugun bahslarga kirishishdi. Ayollar 67 kg., erkaklar esa 80 kg. vaznda janglarni boshlab yuborishdi.

Ochilish marosimida bayroqdor sifatida ishtirok etgan Nigora Tursunqulova ilk bosqichda xitoylik Jang Mengyuga qarshi dayanga chiqdi. Birinchi raundda hamyurtimiz ustunlik qilgan bo'lsa, ikkinchi bo'limda raqib sportchisi ustunlikni o'z tomoniga og'dirdi.

Uchinchi bo'lim tugashiga bir necha soniya qolganida Nigora aniq zarba bilan hisobni tenglashtirib, jangni qo'shimcha bo'limga o'tkazdi. Unda esa xitoylik taekvondochi «golden point»ni yo'llab, g'alaba qozondi.

Rafalovich esa dominakanlik Ernandes Moyzesga qarshi bahsda asosan taktik kurash olib bordi. U jang davomida hisobda oldinda bordi va asta-sekinlik bilan ball to'plab bordi. Yakuniy hisob 17-7.

Nikita chorak finalda ozarboyjonlik Beygi Xarchegani bilan bahslashadi.