Tokio-2020. Rashitovga yutqazgan britaniyalik taekvondochi jangdan keyin nimalar dedi?
/ Kiritdi: BestMaster Ko'rilgan: 167
Tokio-2020 olimpiadasining taekvondo musobaqasida Ulug'bek Rashitov haqiqiy sensatsiya sohibiga aylandi. U nimchorak finalda koreyalik yulduzni musobaqadan chiqarib yuborgan bo'lsa, hamyurtimiz finalda reytingning 2-pog'onasini egallab turgan Bredli Sindenni dramatik kechgan bahsda mag'lub etdi.
Britaniyalik taekvondochi final jangi haqidagi fikrlari bilan o'rtoqlashdi.
"Bu oltin medal meniki bo'lishi kerak. Ammo raqibim yaxshi jangchi ekan. U kun davomida yaxshi saviyadagi sportchilarni musobaqadan chiqarib yubordi.
Men finalda bir nechta xatolar qildim. Ba'zi narsalarda esa omadim kelmadi. Ammo bu taekvondo. Bir nechta xatolar qilganim uchun raqibimning kambek qilishiga imkon berdim.
Rashitovni yaxshi eslab qolaman. U o'zini yaxshi bajardi. Meni esa Parijdagi olimpiadada yana ko'rasiz.
Men Tokioga oltin medalni qo'lga kiritish uchun kelgandim. Shu bois, kumush medalni bayram qilmayman. Mening murabbiyim hamisha bir gapni takrorlaydi: "Kumush — bu eng birinchi omadsizlik". Men oltin medalni qo'lga kirita olmadim. Men yanada kuchliroq bo'lib qaytaman", — dedi Sinden.
Bosh sahifaga
234
