Tokio-2020. Afsonaviy Oksana uchun Olimpiada yakunlandi

Sport gimnastikasi bo'yicha hamyurtimiz Oksana Chusovitina bundan biroz oldin saralash bahsidagi ishtirokini yakunladi. Oksana tayanib sakrash yo'nalishida 14.166 ochko jamg'arib, 11-o'rinni egalladi va musobaqani erta tark etdi.

Afsonaviy Oksana ushbu Olimpiada professional faoliyatidagi so'nggisi bo'lishini ma'lum qildi. 46 yoshli Oksana o'zining 8-Olimpiadasida ishtirok etdi va bu borada mutlaq rekordchiga aylandi.