Tokio-2020. Ulug'bek Rashitov eronlik taekvondochini mag'lub etib, yarim finalga chiqdi

O'zbekistonlik 19 yoshli taekvondochi Ulug'bek Rashitovning g'alabali yurishi davom etmoqda. Hamyurtimiz olimpiadadagi uchinchi jangida ham g'alaba qozondi.

Chorak finalda hamyurtimiz eronlik Mirhoshim Hussayniy ro'baro' keldi. Birinchi bo'limda sportchilar tengma-teng kurash olib borishdi va Ulug'bek 7:6 hisobida oldinga chiqib oldi.

Ikkinchi raundda esa Rashitov ustunlikni o'z tomoniga og'dira boshladi va hisobni 14:8ga etkazib qo'ydi.

Eronlik taekvondochi uchinchi raundda hisobdagi farqni yo'qqa chiqarishga qattiq urindi va ochiq jangga kirishdi. Ma'lum paytga kelib hisobdagi farq bor-yo'g'i 4 ochkoni tashkil qildi. Ammo Ulug'bek bo'sh kelmadi. Ayniqsa jangning so'nggi daqiqasida qandaydir 18 soniya ichida Rashitov 12 ochko jamg'arib, raqibidan ancha oldinga o'tib oldi. Yakuniy hisob esa 34-22, Ulug'bek Rashitov yarim finalda!

Vatandoshimiz yarim finalda bosniya va gertsegovinalik Nedzad Xushichga qarshi dayanga chiqadi. Ushbu jang Toshkent vaqti bilan 12:18da boshlanadi.