Tokio-2020. Taekvondo. Ulug'bek Rashidov chorak finalga yo'l oldi

Taekvondochimizning muvaffaqiyatli yurishi davom etadi. Ushbu sport turida 2-bosqich bahslari boshlandi. 

-68 kg vazn toifasida o'zbekistonlik Ulug'bek Rashidov ikkinchi bahsda sensatsion tarzda koreyalik 3 karra jahon chempioni, ushbu vazning birinchi raqamli vakili Li De Hunni qo'shimcha bo'limlardagi oltin ochko evaziga 21:19 hisobida mag'lubiyatga uchratdi. 

Rashidov ilk bosqichda malilik Seydu Fofanadan (38:17) ustun kelgandi. Endi Ulug'bek Rashidov chorak finalda dunyo reytingida 8-o'rinda turuvchi eronlik Hosseni bilan tuqnash keladi.

Uchrashuv O'zbekiston vaqti bilan 11:50 larda start olishi kutilmoqda.