Sensatsiya! Taekvondo. Ulug'bek Rashitov 3 karra jahon chempionini mag'lub etdi!

Yosh taekvondochimiz Ulug'bek Rashitov biroz avval Tokio-2020 Olimpiadasidagi ikkinchi jangini o'tkazdi. Nimchorak final bosqichida hamyurtimiz koreyalik Li De Xunga qarshi dayanga chiqdi. Li ushbu vazn reytingida eng yuqori pog'onani egallab turgan bo'lib, u 3 karra jahon chempioni, Olimpiya o'yinlarining 2 karra sovrindori hisoblanadi.

Dastlabki raundda koreyalik sportchi ustunlikni o'z qo'liga olib, 10:3 hisobida oldinga o'tib oldi. Ikkinchi bo'limda esa Ulug'bek farqni biroz qisqartirdi va hisob 17:11 ko'rinishiga keldi.

Rashitov uchinchi raundda hisobdagi farqni nafaqat yo'qqa chiqardi, balki bir ochko oldinga ham o'tib olgandi. Bahs tugashiga 11 soniya qolganida hamyurtimizga ogohlantirish berilishi natijasida hisob tenglashdi (19:19) va navbat qo'shimcha bo'limga berildi.

Vatandoshimiz 43-soniyada raqib tanasiga 2 ochkolik oltin zarbani bera oldi va favoritni musobaqadan chiqarib yubordi.

Ulug'bek Rashitov chorak finalda yana bir kuchli sportchi — eronlik Mirhoshim Hussayniyga qarshi dayanga chiqadi. Ushbu jang Toshkent vaqti bilan 10:54da boshlanadi.

Manba: www.stadion.uz.