«Lokomotiv» o'rtoqlik uchrashuvida Tojikiston chempioni ustidan zafar quchdi

Superliga ikkinchi davrasiga tayyorgarlik ko'rayotgan «Lokomotiv» klubi Toshkentda Dushanbening «Istiqlol» klubini qabul qildi.

O'rtoqlik bahsining birinchi bo'limida Alisher Jalilovning goli Tojikiston chempioni ustunligini ta'minlayotgandi. Ikkinchi bo'limda esa dastlab mehmonlar himoyachisi Nazarov o'z darvozasini ishg'ol etib qo'ygan bo'lsa, 69 va 79-daqiqalarda Azizbek Amonov dubl qayd etib, Toshkent jamoasiga g'alaba keltirdi.

Eslatib o'tamiz, bungacha «Metallurg» «Istiqlol»ga mag'lub bo'lgan (0:1), «So'g'diyona» esa Dushanbe klubini mag'lub (0:2) etgan edi.

O'rtoqlik uchrashuvi. Toshkent

«Lokomotiv» - «Istiqlol» (Tojikiston) – 3:1
Gollar: Axtam Nazarov avtogol, Azizbek Amonov 69, 79 – Alisher Jalilov 25.