"Liverpul" futbolchisi faoliyatini boshqa klubda davom ettiradi

"Liverpul" yarim himoyachisi Xarri Uilson o'z klubini o'zgartirishga yaqin turibdi. 

24 yoshli futbolchi faoliyatini "Fulxem" jamoasida davom ettirishi mumkin. "The Atletic" nashrining xabar berishicha, mersisaydliklar yarim himoyachi uchun 12 million funt sterling oladi. 

Eslatib o'tamiz, uelslik o'tgan mavsumni "Kardiff" klubida o'tkazib, Chempionshipning 37 o'yinida maydonga tushdi va 7 ta gol urishga muvaffaq bo'ldi.