Qashqadaryo hokimligi mahalliy byudjet pulidan 2 ta futbol klubiga mablag' ajratdi

Qashqadaryo viloyat hokimining «Nasaf» va «Sevinch» futbol klublariga sport kiyimlari va epikirovkalar sotib olib berish bilan bog'liq xarajatlarga mablag' ajratish to'g'risidagi qarori qabul qilindi.

Qarorda mahalliy byudjetning daromadlar rejasini oshirib bajarilgan qismi hisobidan «Nasaf» futbol klubiga 200 mln so'm, «Sevinch» futbol klubiga 250 mln so'm sport kiyimlari sotib olish uchun viloyat turizm va sport boshqarmasiga jami 450 mln so'm mablag' ajratilishi yozilgan.

Ushbu qarorni bajarilishini nazorat qilish viloyat hokimining birinchi o'rinbosari N. Erkaev zimmasiga yuklatilgan.