Evropa Konferentsiyalar Ligasi ishtirokchilari qancha pul ishlab olishlari mumkin?

UEFA yangi liga ishtirokchilari uchun mukofot pullarini ma'lum qilgan. Unga ko'ra, saralashdan muvvafaqiyatli o'tib, guruh bosqichi ishtirokchisi bo'lgan barcha klublar hisob raqami 2 mln 940 ming evroga boyiydi (guruh bosqichiga chiqa olmaganlarga 260 ming evro taqdim etiladi).

Jamoalar guruhdagi har bir g'alaba uchun 500 ming evro, durang uchun 166 ming evro pulni qo'lga kiritadi. Shuningdek, har bir guruh g'olibi 650 ming, ikkinchi o'rinni egallagan jamoalar 325 ming evro oladi.

Pley-offga chiqish qo'shimcha bonus degani. 1/32 final bosqichida 300 ming, 1/16 uchun 600 ming, chorak final qatnashchisi 1mln evro, yarim finalga etib borganlar 2 mln, finalda mag'lub bo'lgan 3 mln hamda chempion 5 mln evro pul ishlab oladi. Belgilangan pullar miqdori mavsum yakunida translyatsiyalar sotuviga qarab oshib borishi aytilgan.