"PSJ" o'z yulduzi uchun 8 futbolchisidan voz kechishga tayyor

"PSJ" hujumchi Kilian Mbappega yangi shartnoma taklif qilib, uni klubda olib qolmoqchi.

Xabar qilinishicha, parijliklar Mbappega Neymar bilan bir xil maosh taklif qilishni rejalashtirmoqda. Braziliyalik yiliga taxminan 30 million evro oladi. Mbappega Neymar bilan bir xil shartlarda yangi shartnoma taklif qilish uchun «PSJ» 8 futbolchisini sotishga tayyor. Mauro Ikardi, Alfonso Areolya, Abdu Diallo, Tilo Kerer, Leandro Paredes, Idrissa Geye, Pablo Sarabiya va Arno Kalimuendo-Myuinga bu yozda ish haqi og'irligini engillashtirish uchun transferga qo'yiladi.

Eslatib o'tamiz, Mbappe hali kelajagi borasida bir qarorga kelgani yo'q. Shunday bo'lsada, frantsuzning "Real"ga o'tish niyati jiddiy.