Tokio-2020. Denis Istominga qur'a omadli kelmadi

Ertaga Yaponiyada yozgi olimpiya o'yinlarining ochilish marosimi bo'lib o'tadi. Bugun esa tennis musobaqasiga qur'a tashlash marosimi bo'lib o'tdi.

2018 yili bo'lib o'tgan Osiyo O'yinlari orqali Tokio-2020 yo'llanmasini qo'lga kiritgan Denis Istomin musobaqaning dastlabki bosqichida hindistonlik Samit Nagal bilan to'qnash keladigan bo'ldi. Ushbu yosh hind tennischisi ATP reytingida 144-o'rinni egallab turgan bo'lsa, Istomin 203-pog'onadan o'rin olgan.

Denis ushbu bahsda g'olib chiqsa, keyingi bosqichda Aleksandr Bublik (Qozog'iston) - Daniil Medvedev (Rossiya) juftligi g'olibiga qarshi kortga chiqadi. Rossiyalik sportchi musobaqaning ikkinchi raqamli raketkasi hisoblanadi.

Manba: futbolium telegram kanali