Eto'O JCh-2022 finalida qaysi jamoalarni ko'rishni istayotganini aytdi

«Barselona» klubi sobiq futbolchisi Samuel Eto'O JCh-2022 finalida Kamerun va Qatar terma jamoalarini ko'rishni istayotganini aytdi.

«Mazkur musobaqa tarixdagi eng yaxshi jahon chempionati bo'lishiga shubha qilmayman. Menda o'ziga xos orzu bor — finalda Kamerun va Qatar terma jamoalarini ko'rish. Shunda bajonudil barchani Qatarga taklif qilaman. Umid qilaman, Qatarga tashrif buyuradigan muxlislar bir kunda ikkitadan o'yinni stadionda ko'rishga muvaffaq bo'lishadi. Axir bu o'ziga xos imkoniyat. Buni ular keyinchalik o'z nabiralariga aytib berishlari mumkin.

Dohada chiroyli joylar ko'p. Ishqibozlar vaqtni yaxshi o'tkazishlari va futboldan zavq olishlari mumkin. Qatarda dekbar oyida ajoyib iqlim hukm suradi, havo harorati taxminan 20 daraja bo'ladi. Shu bois, nafaqat o'yinchilar uchun, balki Qatarga keladigan barcha uchun ideal sharoit bo'ladi», - dedi Eto'O.

Eslatib o'tamiz, navbatdagi jahon chempionati 2022 yilning 21 noyabridan 18 dekabrga qadar Qatarda o'tkaziladi.