"Milan" futbolchisiga Germaniya klubidan taklif mavjud

"Milan" sotuvga qo'ygan norvegiyalik futbolchiga nemis klubidan taklif kelib tushdi. 

Germaniyaning "Ayntraxt Frankfurt" jamoasi Yens Petter Xauge transferiga qiziqib qolgan. "Rossonerilar" o'z futbolchisi sotuvidan kamida 12 million evro ishlab olmoqchi. Shu sababli ular, "Ayntraxt"ning 8 million evrolik taklifini rad etdi. 

Eslatib o'tamiz, 21 yoshli futbolchi o'tgan mavsumda A Seriyaning 18 o'yinida maydonga tushib, 2 ta gol urishga muvaffaq bo'ldi.