Simeone: «Grizmanni Barselona» bilan katta yutuqlarga erishishiga umid qilaman»

«Atletiko» bosh murabbiyi Diego Simeone Madridga qaytishi mumkin bo'lgan frantsiyalik hujumchi Antuan Grizmann haqida o'z fikrlari bilan o'rtoqlashdi.

«Grizmanni Barselona» bilan katta yutuqlarga erishishiga umid qilaman», - deya Simeonening so'zlarini keltiradi Marca.

Oldinroq «Barselona» frantsuzni «Atletiko» yarimhimoyachisi Saul Nigesga almashtirishi mumkinligi haqida xabar berilgandi. Biroq, klublar o'rtasidagi muzokaralar hozir ancha sekinlashgan.

Ma'lumot uchun, o'tgan mavsumda 30 yoshli Grizmann «Barselona» tarkibida barcha musobaqalar doirasida 51 ta uchrashuv o'tkazib, 20 ta gol urgan va 13 ta golga uzatmani amalga oshirgan. Uning  klub bilan shartnomasi 2024 yilning yozigacha amal qiladi.