«Liverpul» hujumchisini nemis klubiga sotib yubordi

Berlinning «Union» klubi «Liverpul»ning nigeriyalik hujumchisi Tayvo Avoni transferini e'lon qildi.

Futbolchining transfer summasi nemislarga 7,5 million evroga tushdi. Biroq shartnomaning shaxsiy ba'zi shartlari hali oshkor qilinmadi.

O'tgan mavsumda 23 yoshli nigeriyalik «Union»da ijarada o'ynadi va klubi tarkibida 22 ta o'yin o'tkazib, beshta gol urgan va to'rtta golli pas bergan.

Avoni «Liverpul»ga 2015 yilda 1,1 million evro evaziga qo'shilgandi. Biroq, u ingliz klubi tarkibida bitta ham o'yin o'tkazmadi. U "Frankfurt", NEK, "Muskron", "Gent" hamda "Maynts" kabi klublarga ijaraga berilgan.