«Everton» Taunsend transferini rasmiylashtirdi

Hujumkor yarimhimoyachi Andros Taunsend rasman «Everton» futbolchisiga aylandi. Bu haqda liverpulliklar matbuot xizmati xabar bermoqda.

Taunsend bilan 2 yillik shartnoma imzolandi. Andros Rafael Benites jamoasiga erkin agent sifatida qo'shildi. Oldinroq u Londonning «Kristal Pelas» klubi bilan shartnomasini uzaytirmagan va jamoani tark etish istagini bildirgan edi.

Ma'lumot uchun, 2020/2021 yilgi mavsumda Taunsend APL doirasida 1 ta gol va 5 ta golli uzatma muallifiga aylandi.