«Chelsi» hamshahari bilan o'rtoqlik o'yinini o'tkazadi

Londonning «Chelsi» klubi 4 avgust kuni «Stemford Bridj» stadionida hamshahari «Tottenxem»ga qarshi o'rtoqlik uchrashuvini o'tkazadi. Bu haqda «ko'klar» matbuot xizmati xabar bermoqda.

Qayd etilishicha, o'yindan oldin «Chelsi» muxlislariga o'tgan mavsumdagi Chempionlar Ligasi kubogini namoyish etadi.

Eslatib o'tamiz, «Chelsi» 31 may kuni o'z tarixida ikkinchi marta Chempionlar Ligasini yutgandi. «Ko'klar» finalda «Manchester Siti»ni mag'lub etishdi (1:0). Uchrashuvdagi yagona golni «Chelsi»ning nemis legioneri Kay Haverts urdi.