Breytueyt uchun kurashga APLning boshqa bir jamoasi qo'shildi

Kataloniyaning «Barselona» klubi forvardi Martin Breytueyt faoliyatini «Vulverxempton»da davom ettirishi mumkin.

Gap shundaki, futbolchining agenti Xorxe Mendesh uning «bo'rilar» tarkibiga o'tishi uchun muzokaralarni yakunlash arafasida. Tomonlar shartnomaning so'nggi bandlarini kelishib olishlari kerak.

Ma'lumot uchun, Kataloniya klubiga bunga qadar Breytueyt borasida «Vest Xem», «Norvich» va «Brayton» kabi jamoalardan ham takliflar bo'lgandi.