«Tottenxem» «Atalanta»ning asosiy darvozabonini qo'lga kiritishga yaqin turibdi

«Tottenxem» klubi «Atalanta» darvozaboni Perluidji Gollinini sotib olish bo'yicha kelishuvga erishdi. Bu haqda jurnalist-insayder Fabritsio Romano xabar tarqatdi.

Manbaga ko'ra, "shporlar" posbonni keyinchalik 15 million evroga sotib olish sharti bilan ijaraga olishadi.

Gollini o'tgan mavsumda 32ta uchrashuvda maydonga tushib, 32ta gol o'tkazib yubordi. 13ta bahsda esa u o'z darvozasi daxlsizligini saqlab qoldi.