Braziliya olimpiya terma jamoasi Tokio 2020 uchun hozirlik ko'rmoqda

Bundan roppa-rosa besh yil ilgari Braziliyaning Rio shahrida o'tgan Olimpiya o'yinlarida Braziliya terma jamoasi futbol bo'yicha oltin medal sohibiga aylangan edi. Endi ular chempionlikni himoya qilish uchun Tokioga Angliya chempionati yulduzlari bilan tashrif buyurmoqda.

23 yoshgacha futbolchilar qatnashishi mumkin bo'lgan turnirga 3 ta yoshi katta futbolchilarni olish mumkin. Tarkibga esa afsonaviy futbolchi Dani Alvesh ham jalb qilingan. Shuningdek, «Sevilya» markaziy himoyachisi Diego Karlos ham Tokioga borishi ma'lum bo'lgan.