«Real» Varanga o'rinbosar topmoqchi emas

Madridning «Real» klubi himoyachisi Rafael Varan tez orada klubini o'zgartiradi. Eslatib o'tamiz, futbolchi «MYu» bilan shaxsiy shartnoma shartlarini oldindan kelishib olgan.

Ispaniyalik jurnalistlarning xabar berishicha, Madridliklar Varan o'rniga yangi futbolchi sotib olmoqchi emas. Tarkibda allaqachon Nacho, Xesus Valexo, Devid Alaba va Eder Militao kabi tajribali futbolchilar bor va ular keyingi mavsumdan Karlo Anchelotti uchun etarlicha variant bo'lib xizmat qiladi.

Eslatib o'tamiz, «Manchester Yunayted»da Varan bir mavsum uchun 12 million evro ishlab topishi kutilmoqda. «Real» frantsuz uchun 50 million ishlab oladi.