«Roma» La Ligadan himoyachi olish niyatida

Rimning «Roma» klubi «Vilyarreal» himoyachisi Alfonso Pedrasani sotib olishga harakat qilib ko'radi.

Calciomercato xabariga ko'ra, shu asnoda «bo'rilar» bu yo'lda jiddiy raqobatchilariga ega. Shuningdek, Milan, «Barselona», «Bayer» va «Chelsi» klublari ham 25 yoshli futbolchiga da'vogarlik qilmoqda.

Ma'lumot uchun, Pedrasa «Vilyarreal» tarbiyalanuvchisi hisoblanadi. O'tgan mavsumda u barcha turnirlar doirasida 44 uchrashuv o'tkazib, 2 ta gol urdi va 4 ta golga uzatma berdi.

Uning «Vilyarreal» bilan shartnomasi 2025 yilning yozigacha mo'ljallangan.