Liverpulliklar birdaniga ikki transferni mo'ljal qilgan

Britaniyaning turli manbalarida «Everton»ning dastlabki ikki transferi haqida yozishmoqda.

Klub Andros Taunsend bilan shartnoma imzolashni reja qilgan. 30 yoshli futbolchi avvalroq «Kristal Pelas»da o'ynaganidan xabaringiz bor. Hozirda esa u erkin agent maqomida.

Shuningdek, yana bir futbolchi Demarey Grey ham klubga muntazam ravishda jalb qilib kelinmoqda. Yarimhimoyachi hozirda «Bayer»ga tegishli va 1,5 million evroga baholangan.

Ma'lumot uchun, Benites avvalroq «Nyukasl»da Taunsend bilan birga ishlagan. Uning xaridi «Everton»da yangi murabbiyining tashabbusi bilan amalga oshadi.