Sulsher «Derbi Kaunti»ga qarshi o'yinidan so'ng nimalar dedi?

«MYu» bosh murabbiyi Ole-Gunnar Sulsher «Derbi Kaunti»ga qarshi o'rtoqlik o'yinidan so'ng o'z fikrlari bilan o'rtoqlashdi.

«Ochig'i, raqibdan bundayin o'yin kutmagandim. «Derbi» tayyorgarlik borasida bizni bir necha haftaga ortda qoldirayotgani o'yin davomida sezildi. Bu bahs dastlabki norasmiy o'yinimiz edi va o'yinchilarning ma'lum bir darajaga etishlari uchun hali vaqt kerak.

Mavsum oldi o'yinlarda yosh futbolchilarni sinovdan o'tkazishda ajratiladigan vaqt kamayib boradi. Yig'inlar va tayyorgarlik uchun shunga majbursiz. Biz har qanday holatda ham mavsumni yaxshi boshlashimiz kerak. O'tgan mavsumda dastlabki turlarda ko'p ochko yo'qotgandik.

APLdagi chempionlik kurashi yildan-yilga oshib bormoqda. Ayni paytda mavsum boshidagi dastlabki o'yinlarda etakchi jamoani turnir jadvalida o'zib ketishga yo'l qo'ymaslik muhim. Aks holda sovrin uchun imkoniyatni yo'qotishimiz mumkin», - deydi Sulsher.