Rasman! «Milan» «Monako» himoyachisini xarid qildi

Frantsiyaning «Monako» klubi himoyachisi Fode Ballo-Ture rasman «Milan» futbolchisiga aylandi. Bu haqda Italiya klubi matbuot xizmati xabar bermoqda.

Futbolchining «rossonerilar» bilan tuzgan shartnomasi 2025 yil yoziga qadar mo'ljallangan. Bitimning boshqa tafsilotlari hali oshkor qilinmadi.

O'tgan mavsumda Ballo-Ture Frantsiya chempionatida «Monako» tarkibida 24 ta o'yinda maydonga tushdi va uchta muvaffaqiyatli uzatma muallifiga aylandi.