Rossiya chempioni o'z terma jamoasi Olimpiada bazasiga borib o'rnashdi

«Zenit» vingeri Malkom Braziliya olimpiya terma jamoasi joylashgan bazaga etib bordi. Bu haqda Peterburg klubi matbuot xizmati xabar bermoqda.

«Rossiya superkubogini qo'lga kiritgandan so'ng, Malkom Olimpiadada qatnashish uchun Braziliya terma jamoasi safiga yo'l oldi. Barchaga omad va g'alaba tilaymiz», - deyiladi xabarda.

Shu tariqa, Malkom Rossiya Premer-ligasida mavsum startini o'tkazib yuboradi. «Zenit» o'zining birinchi uchrashuvini 24 iyul kuni o'tkazishidan xabaringiz bor. Sergey Semak shogirdlari «Ximki»ga qarshi o'ynaydi.