Lukakuning agenti barchasini rad etdi

«Inter» hujumchisi Romelu Lukakuning agenti Federiko Pastorello futbolchining ketishi haqidagi mish-mishlar haqiqatga to'g'ri kelmasligini ta'kidladi. Lukaku klubning kelajagiga ishonch bilan qaraydi.

Oldinroq Romeluga «Chelsi» va «Manchester Siti» jamoalari qiziqayotgani haqida xabar berilgan edi. Biroq uning agenti OAVga bergan intervyusida barcha takliflarni rad etdi.

Lukaku yana kamida bir mavsumni «Inter» da o'tkazadi. So'nggi chempionatda belgiyalik A Seriyada eng yaxshi futbolchi unvonini qo'lga kiritganidan xabaringiz bor.