Mourino «Barsa» futbolchisini sotib olmaydigan bo'ldi

Joze Mourino «Barselona» futbolchisi Miralem Pyanichni sotib olish imkoniyatidan voz kechdi, deb xabar beradi Marca. "Ko'k-anorranglilar" bosh murabbiyi Ronald Kuman avvalroq bosniyalik futbolchini keyingi mavsum uchun o'z rejasiga kiritmayotganini aytgan edi.

«Barselona» 31 yoshli futbolchini sotuvga qo'ydi, ammo uning yiliga 15 million evrolik katta maoshi futbolchi uchun yangi klub izlashda katta to'siq bo'lib qoldi.

Pyanichning ikki sobiq klubi - «Yuventus» va «Roma» uning maoshi tufayli yarim himoyachini xarid qilish g'oyasidan voz kechdi.

Qolaversa, futbolchi yaxshi formada emas, u «Barsa» tarkibida La Ligada atigi 19 uchrashuvda maydonga tushgan va asosiy tarkibda o'z o'rnini topa olmagan.