«Vulverxempton» etakchisi safga qaytdi

«Vulverxempton» hujumchisi Raul Ximenes noyabrdan beri birinchi marta maydonga tushadi. Raul bosh suyagi sinish holatidan to'liq tiklandi. Bu haqda «bo'rilar» matbuot xizmati xabar bermoqda.

Bugun tunda «Vulverxempton» «Kru Aleksandra»ga qarshi bahs olib boradi. Ushbu o'yin o'rtoqlik uchrashuvi maqomida bo'lib o'tadi.

Eslatib o'tamiz, Ximenes Londonning «Arsenal» klubi bilan bahsda David Luis bilan to'qnashib ketgan edi. Bu Premer-liganing 10-tur uchrashuvi edi.