Ronaldu endi avvalgiday maosh olmaydi

«Yuventus» va hujumchi Krishtianu Ronaldu yaqin haftalarda shartnomani uzaytirish masalasini muhokama qilmoqchi.

Tomonlar kelishuvni 2023 yilgacha uzaytirish bo'yicha muzokaralar olib boradi, deya ma'lum qildi insayder Nikolo Skira.

Yangi kelishuvga binoan Ronalduning maoshi o'zgarishi mumkin. Amaldagi shartnomaning qolgan yilida portugaliyalik 31 million evro o'rniga yiliga 20 million evro olishni boshlashi mumkin.

Eslatib o'tamiz, Krishtianu o'tgan mavsum A Seriyada 29 ta gol bilan turnir to'purariga aylandi. Shuningdek, u 5 ta gol urib, Evro-2020ning eng yaxshi goleadori ham bo'ldi.