«Tottenxem» Keynni «Chelsi»ga sotishni afzal ko'rmoqda, sababi...

«Tottenxem» hujumchisi Harri Keynning kelajagi noaniqligicha qolmoqda.

«The Athletic» nashri xabariga ko'ra, nafaqat «Manchester Siti», balki «Chelsi» ham 27 yoshli hujumchini o'z safiga qo'shib olishni maqsad qilgan. London klubi asl Keynning niyati nima ekanligini aniqlamoqchi.

Transferlar bozoridagi manbalarning ta'kidlashicha, «Tottenxem» prezidenti Daniel Levi Harrini «Chelsi»ga sotish variantini «Man Siti»ga qaraganda yaxshiroq deb o'ylamoqda, chunki ushbu shartnomaga Temmi Abraxamning kiritilishi «shaharliklar» taklifidan yaxshiroq ko'rinmoqda.

«Chelsi» hali Keyn uchun aniq taklif bilan chiqmadi. Shuningdek, «Tottenxem» akademiyasidan chiqqan Keyn Londonning boshqa klubiga o'tishga rozi bo'ladimi yoki yo'qmi noma'lum.