«PSJ» Mbappega klubda qolishi uchun barcha sharoitni yaratmoqchi

Marca xabariga ko'ra «PSJ» Klian Mbappeni boshqa klubga qo'yib yubormoqchi emas.

Frantsiyalik futbolchining parijliklar bilan amaldagi shartnomasi 2022 yil yozida o'z nihoyasiga etadi, ammo klub Mbappega qolishi uchun katta maosh taklif qilishga tayyor.

Xabar qilinishicha, parijliklar rahbariyati Mbappega Neymarga to'lanayotganichalik maosh to'lashga tayyor.

Kilianning o'zi «PSJ»da qolishiga shubha qilmoqda. Frantsuz ushbu klubda o'z ambitsiyalarini ro'yobga chiqara olmasligini his qilyapti va EChLni yuta olish imkoniyati ko'proq jamoa safiga borib qo'shilishni istaydi.

Madridning «Real» klubi esa Mbappe bilan bog'liq vaziyatdan foydalanib, uni keyingi yozda sotib olishga tayyor.