Italiya yirik turnirlardan birini o'z uyida o'tkazmoqchi

Italiya futbol federatsiyasi prezidenti Gabriele Gravinaning ta'kidlashicha, mamlakat bir necha yil ichida katta futbol musobaqasini o'tkazishni rejalashtirmoqda. Gap mos ravishda 2028 va 2030 yillarda bo'lib o'tadigan Evropa va Jahon chempionatlari haqida ketmoqda.

«Avval Evro haqida o'ylab ko'raylik, keyinroq JChga harakat qilsa bo'ladi. Biz stadionlarning holatini yaxshilashimiz kerak, agar biz infratuzilma uchun sarmoya kiritishni boshlamasak, hech qachon bunday ajoyib tadbirni tashkil qila olmaymiz. Menimcha, musobaqalarni o'tkazish uchun tasdiqni kutmasdan darhol stadionlarni yaxshilashimiz kerak»,– deya Gravinani so'zlarini keltiradi «Reuters» nashri.