Italiya chempionatida jamoalarga yashil formada o'ynash taqiqlandi

2022/23 yilgi mavsumdan boshlab Italiya chempionatidagi jamoalar yashil libosda o'ynay olmaydi. Bu haqda «Sportmail.ru» xabar berdi.

Ushbu o'zgartirish musobaqa reglamentiga kiritildi.
Qoidalarning ushbu bandi, birinchi navbatda, yashil forma maysazor bilan birlashib ketishidan qo'rqadigan telekompaniyalarning talabiga binoan qabul qilingani ko'rsatilgan. O'zgarishlar klublarga tayyorgarlik ko'rish imkoniyatini berish uchun oldindan e'lon qilingandi.

O'tgan mavsumda «Latsio» yashil rangdagi zaxira libosiga ega edi. Ushbu qaror asosiy libosi yashil va qora chiziqlardan iborat bo'lgan «Sassuolo»ga qanday ta'sir qilishi hali ma'lum emas.