"Tottenxem" amerikalik hujumchini sotib olmoqchi

Londonning "Tottenxem" klubi "Shalke"ning amerikalik hujumchisi Metyu Xoppega qiziqish bildirmoqda, deya xabar beradi 90min.

Manbaning xabariga ko'ra, ingliz klubi yozgi transferlar vaqtida futbolchi sotib olish variantini ko'rib chiqmoqda.

Shuningdek, Xoppega "shporlar"dan tashqari "Nyukasl", "Vulverxempton" va "Sautgempton" jamoalari ham qiziqish bildirmoqda. "Shalke" esa futbolchisini besh million evroga sotishga tayyor.

O'tgan mavsum 20 yoshli Xoppe "Shalke" tarkibida barcha musobaqalarda 24 uchrashuv o'tkazdi, oltita gol urdi va bitta golli pas berdi.