«Milan» «Real» futbolchisi bilan shartnoma tuzishga yaqin turibdi

Insayder jurnalist Nikolo Skiraning so'zlariga ko'ra, Braim Diasning yangi ijarasi tez orada amalga oshiriladi.

21 yoshli ispaniyalik hujumkor yarim himoyachi faqat «Milan»da o'ynashni xohlamoqda.
Aytishlaricha, italiyaliklar shartnomaga futbolchini 25 million evro evaziga sotib olish to'g'risidagi bandni kiritgan. Ammo, «Real» o'z navbatida Diasni 30-31 million evroga qaytarib sotib olish imkoniyatiga ega ham bo'ladi.

Braim Dias o'tgan mavsumda «Milan» tarkibida barcha turnirlarda 39 uchrashuv o'tkazdi, etti gol
va to'rtta golli pas berishni uddalagan.