Jorjo Kellini hamon erkin agent maqomida turibdi

Italiya terma jamoasi himoyachisi Jorjo Kellinining agenti futbolchiga birorta taklif yo'qligini aytdi. Bu haqda «FNK» xabar berdi.

Italiya terma jamoasi bilan Evropa chempioni bo'lgan Jorjo Kellini «Yuventus» bilan shartnomasi 30 iyun kuni tugaganligi sababli erkin agent hisoblanadi.
«Ha, bizda hech qanday taklif yo'q. Biz ‘Yuventus’dan muzokara uchun taklif kutmoqdamiz. Evro-2020’da ko'rganlarimiz Kellinining ko'proq o'ynash istagini namoyish etadi», — dedi 37 yoshli futbolchining agenti Davide Lippi.