Grizmann va Saul rokirovkaga rozilik bildirishdi

«Barselona» va «Atletiko» klublari hujumchi Antuan Grizmann va yarim himoyachi Saul Nigesni o'zaro almashishga yaqin turishibdi.

Har ikki futbolchi ushbu transferga o'z roziliklarini berishdi, deya xabar tarqatdi jurnalist Fabritsio Romano.

Hozirda tomonlar transferning moliyaviy tomonlarini muhokama qilishmoqda. Xususan, «Barsa» kelishuv doirasida qo'shimcha 15 million evroga ega bo'lishni istamoqda. Madridliklar esa pul emas, himoyachilar Renan Lodi va Mario Ermosoni qo'shib berishmoqchi.