"Chelsi" Keza uchun "Yuventus"ga katta mablag' taklif qildi

«Chelsi» «Yuventus» yarim himoyachisi Federiko Kezaga qiziqish bildirmoqda.

London klubi «Yuve» bilan bog'lanib, Kezaning transferi uchun boshlang'ich summa sifatida 100 million evro taklif qildi.

«Yuventus» 23 yoshli italiyalikning «Chelsi»ga o'tishi to'g'risida muzokara o'tkazishdan bosh tortdi, deya yozadi "Sport Bild" jurnalisti Kristian Falk.

Eslatib o'tamiz, 23 yoshli futbolchi Italiya terma jamoasi uchun g'alaba qozongan Evropa chempionatini yorqin tarzda o'tkazdi va UEFA versiyasiga ko'ra musobaqaning ramziy jamoasiga kirdi. Federiko mazkur turnirda 2 ta gol urishga muvaffaq bo'ldi.

Ma'lumot o'rnida,  yakunlangan mavsumda yarim himoyachi A Seriyada 33 uchrashuv o'tkazib, 9 gol urdi va 9 golli uzatma berdi.