"Buxoro" klubi o'z nomini o'zgartirdi

Buxoro viloyati hokimi qarori bilan Pro ligada ishtirok etuvchi “Buxoro” professional futbol klubining nomi o'zgartirildi. “Yangi O'zbekiston” kanali xabariga ko'ra, klubning nomi “Nurafshon” deb o'zgartirilgan. Jamoaning oldingi nomlanishi ham shunday atalgan.

Shuningdek, Buxoro markaziy o'yingohida “Nurafshon” professional futbol klubi tashabbusi va Buxoro futbol assotsiatsiyasi bilan hamkorlikda kengaytirilgan yig'ilish tashkil etilgan. Unda klub bosh direktori Farrux Jamolovich Xamraev, bosh murabbiy Usmon Qudratovich Toshev hamda viloyatda futbol bo'yicha murabbiylik faoliyatini yuritayotgan mutaxassislar va OAV vakillari ishtirok etgan.

Uchrashuvdan asosiy maqsad Buxoro futbol maktabini qayta tiklash, zamonaviy metodikalarga asoslangan malaka oshiruvchi mashg'ulotlarni kuchaytirish, “Nurafshon” PFKning futbolchilariga munosib o'rinbosarlarni tarbiyalash, shuning bilan bir qatorda, klub qoshida 14, 16, 18 yoshdagi jamoalarini shakllantirish borasida takliflar muhokama qilingan.